Дејвид Бекам несомнено им е посветен на децата. Деновиве тој ја одведе ќеркичката Харпер на лизгалиште во Лондон, а нивната слатка дружба измами многу воздишки.
44-годишниот поранешен спортист сподели фотографии, а во описот напиша: „Започнува да личи на Божиќ“. На една од фотографиите, тој ја бакнува 8-годишната Харпер во уста, докажувајќи им на критичарите дека нивните коментари воопшто не допираат до него.
Во минатото, Бекам неколкупати беше критикуван што ја бакнува ќерката на овој начин. Сепак, мнозинството од интернет корисниците застанаа во негова одбрана и го нарекоа неговиот бакнеж нормален. Подоцна, тој откри дека ги бакнувал сите свои четири деца во уста, бидејќи сака да им ја покаже својата љубов.
„Всушност, ме критикуваат што ја бакнувам ќерка ми Харпер во уста... Ги бакнувам сите мои деца во устата. Можеби Бруклин не. Бруклин има 18 години, па може да му биде малку чудно, но јас сум приврзан со децата. Така бев пораснат јас, така беше и Викторија, и сега сакаме така да биде и со нашите деца. Сакаме да им покажеме на нашите деца дека ги сакаме, дека ги штитиме, дека се грижиме за нив и дека ги поддржуваме“ – изјави тој пред неколку години.
Претходно, и Викторија Бекам беше критикувана што ја бакнува Харпер во уста.