„Spice Girls“ повторно се обединија за да го прослават 50-от роденден на Џери Халивел на забава во нејзината вила.
Џери, Викторија Бекам, Мелани Чизом и Ема Бантон заедно танцуваа на хитот „Say You`ll be There“ од 1996 година, а видео од овој момент сподели Дејвид Бекам на Instagram.
„Пријателство за цел живот“ – напиша Дејвид во описот на видеото. Иако не присуствуваше на забавата, тој ја означи и Мелани Браун и напиша дека им недостигаше нејзиното присуство.
Викторија, Мелани и Ема беа облечени во стилот на „Spice Girls“.
Овој јубилеен роденден Халивел го прослави во август, но големата забава одлучи да ја направи сега, во ноември.
„Spice Girls“ беше планетарно позната музичка женска група активна од 1994 до 2000 година. Девојките издадоа 3 студиски албуми и го снимија комичниот мјузикл „Spice World“ (1997). Според основачот на „Златна малина“ тој спаѓа во еден од 100-те најлоши забавни филмови кои некогаш се снимени.
„Spice Girls“ се обединија во 2019 година за светска турнеја, но без Викторија, која имаше други работни обврски.