Македонија остана на дното на листата на Евровизија. Денес беа објавени официјалните резултати од гласањето во двете полуфиналиња и стана јасно дека сме на претпоследно место заедно со Грузија. Полош резултат постигна само Исланд (15 поени).
Eye Cue освоија 24 поени во првото полуфинале, исто колку што добија и грузиските претставници во втората полуфинална вечер.
Според официјалните податоци, жирито на Албанија ни додели 8 поени, а жирито на Азербејџан 6 поени, од Бугарија сме добиле 5 поени благодарение на гласовите од публиката, жирито на Грција ни даде 3 поени, жирито на Израел 1 поен, а гласовите на Хрватите ни донесоа 1 поен.
Eye Cue настапија на евровизиската сцена во Лисабон со „Lost and Found“. Нета од Израел победи во големото финале.
