Морган Фриман со видео објави во чии раце годинава ќе заврши престижната награда „Сесил Б. ДеМил“.
Холивудската легенда сподели дека Опра Винфри ќе ја добие статуетката за време на церемонијата по повод доделувањето на „златните глобуси“, која ќе се одржи на 7 јануари.
Наградата „Сесил Б. ДеМил“ им се доделува на личности кои имаат огромен придонес во светот на шоу-бизнисот. Меѓу претходните добитници се Мерил Стрип, Џорџ Клуни, Стивен Спилберг, Робин Вилијамс, Ал Пачино, Одри Хепберн, Софија Лорен, Елизабет Тејлор и Алфред Хичкок.