Талија ги насочи сите погледи кон себе на синоќешното доделување на Латино Греми наградите.
На манифестацијата во Лас Вегас, 48-годишната пејачка и актерка, кај нас позната по улогата на „Росалинда“, заведуваше во две сексапилни креации. Талија пристигна облечена во црвена креација од либанскиот дизајнер Жан-Луис Сабаџи и салонки од Кристијан Лобутин.
Таа ја прими наградата „Premio de la Presidencia“ за нејзината долгогодишна музичка кариера. На сцената, славната Мексиканка се појави во бордо креација која ја истакна нејзината фигура. Со солзи во очите, Талија се заблагодари за признанието.