Во документарната серија „Beckham“ ќе се откријат многу детали за животот на семејството Бекам.
Викторија за првпат се отвори за болката која ја претрпе во 2003 година по избивањето на скандалот дека Дејвид ја изневерува со Ребека Лус.
„Тоа 100% беше најтешкиот период за нас, бидејќи чувствувавме како светот да е против нас. Но, ако треба да бидам потполно искрена и ние бевме еден против друг. Сè до Мадрид, чувствував како да сме ние против сите, бевме заедно, бевме поврзани, се имавме еден со друг. Но кога бевме во Шпанија, не чувствувавме како да се имаме еден со друг. И тоа е тажно“ – вели познатата дизајнерка.
Пред две децении, Ребека јавно зборуваше дека четири месеци имала афера со Дејвид и овој скандал стана фокус на многу медиумски наслови. Во тоа време, таа беше негова лична асистентка.
„Дали го презирав Дејвид? Ако сум комплетно искрена, да. Тогаш веројатно бев најнесреќна во животот“ – признала Викторија.
Во интервјуто, Дејвид отворено изјавил дека не знае како го издржаа тој стресен период.
„Кога се преселив во Шпанија, беше тешко бидејќи бев дел од еден клуб од една фамилија цел живот, од 15 до 27 години. И продаден сум преку ноќ, следната минута сум во град кој не го знам, со јазик кој не го познавам и најважно ја немав мојата фамилија“ – изјави поранешниот фудбалер.
„Секојпат кога ќе се разбудевме чувствувавме како да има нешто. Сметам дека и двајцата не чувствуваме како да се губиме еден со друг, туку како да се давиме под вода.“
„Не знам како го преживеавме тоа. Искрено не знам како преминавме преку тоа. Викторија ми е сè. Кога ја гледав повредена за мене беше навистина тешко, но ние сме борци. И во тоа време требаше да се бориме за нас, да се бориме за нашата фамилија. А тоа што го имавме, беше вредно за борба“ – дополнил тој.
Во тоа време, Ребека заработи цело богатство, гостувајќи во ТВ интервјуа во кои зборуваше за аферата со славниот спортист.
Синоќа, се одржа премиерата на документарецот, а парот сподели забавни фотографии на Instagram. „Сè уште успевам да ја насмеам со моето танување и 26 години подоцна“ - се пошегува Дејвид.
