Модната блогерка Фејпинк Чанг и нејзиниот избраник Линколн Ли не штедеа за својата свадба.
Цветно волшебство, фантастичен поглед, впечатливи декорации, бајковита локација, огномет... Луксузната прослава, за која несомнено беа потрошени милиони, се одржа на Капри, Италија.
Модната зависничка од Хонгконг блесна во волуменозна венчаница која ја дизајнираше во соработка со Џамбатиста Вали.
Парот доби дозвола од италијанската влада за да се венча на тоа магично место, бидејќи никогаш претходно не било дозволено свадба да се одржи токму таму.
Подоцна таа се пресоблече во уште еден магичен фустан со цветови од врвниот италијански дизајнер.
Свадбеното видео:
Свадбената прослава траеше три дена. На првиот ден, за вечерата по повод пречекувањето на гостите, невестата носеше фустан со лимони од дизајнерот Харис Чан од брендот Moiselle, кој беше во склоп со тематската забава.