Меган Фокс и Машин Ган Кели пристигнаа на Billboard Music Awards во координирани црни стајлинзи.
35-годишната актерка го поддржа својот вереник, кој беше номиниран во категоријата Најдобар рок изведувач. За настанот во арената „MGM Grand Garden“, таа избра црн фустан со длабоко деколте, висок шлиц и цветови на рамената од Дејвид Кома, а големо внимание привлече и нејзината нова фризура.
Машин Ган Кели носеше костум од Долче и Габана, кој го надополни со дијамантски маникир од 30.000 долари.
„На полноќ ѝ е роденден на мојата вереница, па ќе го славиме нејзиниот прекрасен живот тука, на планетата Земја“ – рекол тој.
Кели поттикна гласини дека Меган е бремена откако му посвети песна на нивното неродено дете.
„Ја напишав оваа песна за мојата сопруга“ – рече тој пред да настапи на сцената, а неколку минути подоцна додаде: „А ова е за нашето неродено дете“.
