Меган Фокс многу ретко споделува приватни фотографии, па токму затоа го привлече вниманието на нејзините фанови кога за Халовин објави три фотографии од маскираното семејство.
За популарниот празник, 32-годишната актерка носеше маска инспирирана од „Хари Потер“, додека 6-годишниот Ноа беше зомби мажоретка, 4-годишниот Боди стана Геко од „PJ Masks“, а 2-годишниот Џурни Ривер беше еднорог.
На последната фотографија, Фокс позираше со маскираниот сопруг Брајан Остин-Грин и неговиот син Касиус од претходна врска.
Меган и Брајан не милуваат да зборуваат за личниот живот пред камерите, но неодамна тој даде свој коментар за дискусиите за тоа дали треба да му дозволуваат на малиот Ноа да носи фустани.
„Син ми, знаете, тој има четири години. И слушнав дека некои луѓе не се согласуваат, не се согласуваат тој да носи фустанчиња. Ним им велам, не ми е гајле. Тој не повредува никого со носењето фустан. Па, ако сака да носи фустан, одлично. Сметам дека 4 и 5 се години кога треба да се забавуваш“ - рече тој.
