Во изминатиов период, Кристијано Роналдо е под медиумската лупа заради значителното проширување на неговото семејство.
Славниот Португалец пред само неколку недели стана татко на близнаци од сурогат-мајка, а сега официјално потврди дека неговата девојка Џорџина Родригез е бремена.
На прашањето на шпанскиот медиум El Mundo дали е среќен за детето кое е на пат, 32-годишниот фудбалер одговорил „Да, многу“.
Роналдо го доби првиот син во 2010 година. Никогаш не беше откриен идентитетот на мајката.
Веќе неколку недели се шпекулираше за бременоста на Џорџина, а нејзиното стомаче уште повеќе ги подгреваше гласините за блажена состојба.