Игор Џамбазов со емотивна објава на Instagram се збогуваше со својот колега Мето Јовановски, кој издиша за последен пат на 77-годишна возраст.
Македонскиот актер се потсети на нивните први заеднички моменти на театарската сцена. Во објавата посветена на Јовановски, Игор напиша:
Драг мој Методија,
Се сеќавам на нашата прва заедничка претстава. „Смртта на Дантон“, Драмски театар, осумдесет и некоја. Ти беше Робеспјер, а јас бев Сен-Жист. И плус бев во облаци. Јас, мочкото од Козле, на иста сцена со тебе. Како во совршен сон. За тие неколку недели на пробите научив повеќе за глумата, отколку на сите часови на академијата. Ти и не беше свесен колку мене ми значеше сето тоа...
„Збогум сега за миг, и до скоро видување...“
Почивај во мир
Мето почина вчера, а веста за неговата смрт со јавноста на сподели Драган Спасов-Дац.
Тој секогаш ќе биде запаметен по многу филмски проекти, меѓу кои најпознати се „Тетовирање“, „Опстанок“, „Среќна Нова 49-та“, „Трето полувреме“, „Пред Дождот“ и „Најдолгиот пат“.
