Ана Курникова сподели забавно видео на кое танцува со малата ќеркичка на новиот хит на нејзиниот сакан Енрике Иглесијас.
36-годишната поранешна тенисерка во видеозаписот ја носи во кенгур петмесечната Луси додека танцува на песната „Move to Miami“. Во описот, Курникова шеговито напиша: „Малечка, те молам не ги наследувај моите танцувачки движења“.
Во моментов, Ана е во Мајами со близначињата Луси и Николас, кои ги доби со Иглесијас откако ја чуваа бременоста во тајност.
42-годишниот пејач е на турнеја, но не го заборава своето семејство. За израелските медиуми тој изјави дека Ана и близначињата премногу му недостигаат, но дека ужива да настапува пред своите обожаватели.
„Премногу ми недостига моето семејство. Но, го обожавам она што го работам, што сум на сцената и што сум обиколен од моите фанови. Тоа се двете нешта што најмногу ги сакам во мојот живот“ – рекол Енрике.
Парот е во врска 16 години.