Ѓорѓе Ѓоковиќ и Сашка Веселинов ќе станат родители. Помладиот брат на Новак Ѓоковиќ и српската водителка со фотографии објавија дека го очекуваат нивното прво дете.
На една од нив, Сашка позира во бел фустан галејќи го трудничкото стомаче, а на останатите Ѓорѓе нежно ја бакнува.
Среќниот пар очекува синче.
„За помалку од 3 месеци во нашето семејство ќе пристигне засилување, а од тој момент јас ќе ја добијам најважната улога во животот – ЌЕ СТАНАМ МАЈКА. Долго време не сакав да зборувам на оваа тема, избегнував јавни настани, иако од првиот ден сè е во ред со бременоста, но за среќата навистина треба да се слушне.“
„Сега, кога веќе стана очигледно и не успеавам да го сокријам стомакот, драго ми е што на овој начин можам со вас да ги споделам најсреќните вести и со вас“ – напиша Сашка.
Ѓорѓе и Сашка се венчаа во септември минатата година.