Антониа Гиговска не престанува да восхитува со своите вокални способности. Талентираната пејачка влезе во Суперфиналето на „Пинкови ѕвездички“.
На сцената на финалната вечер, таа настапи со баладата „Тајно моја“ од Тоше Проески и доби громогласен аплауз.
Слушнете ја нејзината изведба:
„Моментот кога ти ќе излезеш на сцената е фасцинантен од неколку причини. Прво гледаш некоја девојка како се спушта по скалите, а оние секунди кога ќе застанеш на сцената, се претвораш во интепретатор, изведувач. Тоа е неверојатна трансформација во тебе, ние кои се занимаваме во оваа работа можеме да го видеме тоа. Тоа е неверојатен квалитет. Покрај сето тоа, ти си навистина вокално супериорна во однос на многу постари пејачи кои ги имам слушнато во животот. Неверојатно е како пееш. Имав среќа оваа песна да ја слушнам лично од Тоше и многу е тешко да се пеат неговите песни. Ти се поклонувам“ – ѝ рече Гоца Тржан.