Марија Шерифовиќ со најубавиот подарок ја заврши 2023 година и со срце полно љубов влезе во новата година.
Српската пејачка сподели слатка фотографија и призна дека е благодарна за своето синче, кое го доби со помош на сурогат-мајка.
На фотографијата се гледа рачето на бебенцето Марио кое е облечено во новогодишна облека.
Не знам како и од каде да почнам... Како да напишам рекапитулација на ваква година... Концерти, албум, спотови, патувања во Америка, Ѕвездите на Гранд, приватниот живот... И на сето тоа неверојатна количина грижи. Така што сега, на крајот на 2023 година, можам да кажам: Боже фала ти. Фала ти за овие мали рачиња.
Некој навистина гледа сè и верувајте за секој од нас доаѓа тоа што го заслужуваме. Дури сега, денес кога имам 39 години, можам да си кажам дека срцето и душата ми се во целосен мир затоа што конечно сè си дојде на свое место.
Хм, што да ви посакам? Добро здравје! Многу трпение! Можеби најмногу ХРАБРОСТ!
И да, ви посакувам да бидете сакани од оние коишто ги сакате!
Тоа е сè од мене за оваа година.
На здравје!
Со љубов,
Марија
Шерифовиќ пред една недела сподели дека со синчето се врати дома во Белград.
