Алиша Кис е ѕвездата на насловната страница на јулското издание на InStyle.
39-годишната музичарка позираше без шминка додека зад објективот стоеја нејзините два сина – 9-годишниот Иџипт и 5-годишниот Џенесис. Алиша одлучи да не се шминка пред четири години.
„Фотографирана од нејзиното семејство“ – пишува на корицата.
Сите фотографии од едиторијалот биле направени од двете мали момчиња со асистенција на нивниот татко Свиз Биц. Алиша носи модели од Живанши, Шанел, Фенди и Салваторе Ферагамо.
Во интервјуто за списанието, Кис зборуваше колку е важно луѓето да се сакаат и почитуваат едни со други, како и за тоа дека никогаш не би се вратила во нејзините 20-ти години.
„Одлични сме во осудувањето еден со друг и во претпоставки какви се луѓето кога всушност воопшто не ги познаваме. За мене, најважното нешто кое можеме да го направиме сега е да одделиме секунда за да се видиме и да се цениме онакви какви што сме. Навистина верувам дека ние сме тоа – она што го чекаме и она што го бараме. Нештата ќе започнат да се менуваат преку начинот на кој ги воспитуваме децата, начинот на кој избираме да се однесуваме едни кон други, начинот на кој се соочуваме со светот“ – рекла таа.
„Се колнам не би се вратила назад во моите 20-ти години дури и кога би ми платиле – тоа буквално ми беше најлошиот период. Очајно сакав да се вклопам. Бев слепа, зависна од мислењето на сите други, толку ми беше неудобно и нејасно“ – изјави Алиша за своето минато.