Анџелина Џоли сними промотивна фотосесија за Guerlain. 42-годишната ѕвезда, која минатата година стана заштитно лице на францускиот бренд, позираше во дизајнерски креации од реномирани модни куќи како Ели Сааб и Џамбатиста Вали.
На неколку од фотографиите, во фокусот се големите тетоважи на славната актерка и режисерка. Тетоважите на грбот се будистички благослов за мир, љубов и просперитетен живот, додека тетоважите на левата рака ги опишуваат координатите на местата на раѓање на нејзините деца и на нејзиниот поранешен сопруг Бред Пит.
Дел од фотографиите кои ги потпишува Матју Цезар се најдоа во априлското издание на „Вог“ Русија.
