Антониа Гиговска заведуваше и мамеше погледи на роденденската забава на Бекстејџ.
24-годишната пејачка ја прими наградата Најдобра пејачка на годината во бела креација како пајажина којашто е дело на модната куќа SIDOR. За време на својот говор, Гиговска рече:
„Многу, многу пробаа да ме срушат како домино, но јас сум силна жена, фала ви од срце“.
Антониа наградата ја посвети на своето семејство и својот тим, кои, како што рече, никогаш не ја оставиле на цедило.
„Ви благодарам за поканата и најмногу благодарам за наградата Најдобра пејачка на годината. Оваа награда ја посветив на моето семејство, мојот грб и мојата поддршка во сè што правам... Мојот тим, кој никогаш не ме оставил на цедило и секако, најзаслужна е мојата публика, без нив ништо.“
„Годинава работевме многу напорно, излегоа многу проекти, многу песни, спотови... Полека, но сигурно го привршуваме и вториот албум ‘Жена’, иииии ви ветувам дека со следниве неколку песни ќе се изненадите. Ве сакам сите“ – напиша таа на Instagram.
Гиговска на сцената настапи со песната „Жена“, а со Пајак ја изведоа заедничката песна „Навика“.
