Семејството на Роми Стријд и Лоренс ван Лиувен се прошири за уште еден член.
27-годишната манекенка, која во минатото гордо ги носеше ангелските крилја на Victoria’s Secret, објави дека нејзината втора ќерка се роди на 11.11.2022 година и дека го доби името Џун ван Лиувен.
Парот сподели фотографии од новороденчето и од семејни моменти.
Патот до мајчинството за Стријд не бил лесен. Откако забремени со првата ќерка, таа на Instagram сподели дека 7 години немала менструација и дека има дијагноза синдром на полицистични јајници.
Како причина за проблемите ги наведе интензивните тренинзи и рестрикциите во исхраната кои ги практикувала за да го одржи телото во топ форма и стресниот динамичен живот поради ангажманите на различни точки низ светот.
Парот беше во врска 12 години пред да се вери во јануари оваа година.
