На светско ниво, непрекинато расте бројот на заболени од новиот коронавирус. И Идрис Елба е позитивен за КОВИД-19.
47-годишниот актер сподели видео во кое им откри на фановите дека се тестирал и дека резултатите се позитивни, но дека нема симптоми. Тој е во изолација заедно со неговата сопруга Сабрина.
This morning I tested positive for Covid 19. I feel ok, I have no symptoms so far but have been isolated since I found out about my possible exposure to the virus. Stay home people and be pragmatic. I will keep you updated on how I’m doing No panic. pic.twitter.com/Lg7HVMZglZ
— Idris Elba (@idriselba) March 16, 2020
„Во ред сум, Сабрина не е тестирана и таа е ОК. Немав симптоми. Се тестирав, затоа што дознав дека бев во контакт со некој кој исто така е позитивен... Ова е сериозно. Сега е време да мислиме на одржување на социјална дистанца, на миење раце. Има луѓето кои не покажуваат симптоми и лесно може да се распространи... Сега е време за солидарност, сега е време да мислиме едни на други“ – вели тој.
Во нашата држава, до овој момент официјално се потврдени 19 случаи, од кои првата пациентка денеска беше пуштена дома откако тестовите беа негативни.
