Фустанот од месо на Лејди Гага ќе ви изгледа многу нормално откако ќе ја видите најновата креација на дизајнерката Рејчел Фрејр. Таа создала контроверзен фустан изработен од 3000 брадавици од крава и јак.
Британската дизајнерка планира да го покаже своето дело за време на Париската недела на модата, а таквата вест веќе ги исправи на нозе активистите за заштита на правата на животните.
Активистот Џастин Керсвел смета дека доволно е лош начинот на којшто го третираме добитокот и дека се преминуваат сите граници кога нивните мртви тела се претвораат во фрик-шоу на модните писти. Неговите истомисленици го нарекуваат фустанот непотребен, одбивен и одвратен.
Самата 32-годишна креаторка веднаш застанала во одбрана на своето дело и изјавила: „Тоа ја зголемува свеста за самото животно. Јас создавам мода користејќи материјали кои во друг случај би завршиле на буниште. Ова што го правам јас е рециклирање. Луѓето кои ме критикуваат немаат поим колку кожа се троши залудно секој ден“.
