Меи Маск е новото заштитно лице на CoverGirl.
„Многу сум возбудена што ви кажувам дека официјално сум COVERGIRL!“ - напиша 69-годишната мајка на милијардерот Илон Маск на Instagram, потврдувајќи ја веста за соработката со козметичкиот бренд.
„Мене и на моите три деца и 10 внуци ни беше тешко да го чуваме ова во тајност до денешната голема објава. По толку години во кои им се восхитував на моделите на CoverGirl, кој знаел дека јас ќе бидам дел од нив на 69-годишна возраст? Тоа покажува дека никогаш не треба да се откажуваме“ – вака Меи го дополни својот пост.
Меи е модел, претприемач и диететичар. Во текот на 50-годишната кариера, таа има снимено бројни фотосесии и кампањи. Шармантната ѕвезда се појавува и во спотот на Бијонсе за „Haunted“.
Меѓу ѕвездите кои имаа склучено договор со CoverGirl се вбројуваат и Пинк, Тејлор Свифт, Софија Вергара, Елен Деџенерис, Дру Баримор и Квин Латифа.
