Позната е како авторка, водителка, поранешен модел и бизнисменка, а сега Марта Стјуарт стана и најстарата ѕвезда на насловната страница на „Sports Illustrated Swimsuit“.
81-годишната Американка позираше за најновото издание на списанието посветено на костимите за капење.
„Многу е важно да се соочиме со предизвиците, без разлика дали се тоа предизвици на убавина или интелектуални предизвици, па дури и филантропски предизвици. За мене е забавно да можеш да застанеш и да го направиш тоа. За мене предизвик беше да застанам на насловната страница на моја возраст. Сметам дека го поминав тој предизвик“ – изјавила Марта.
Фотосесијата е снимена во Доминиканската Република.
Претходно, најстарата личност која се појави на насловната на списанието беше Меј Маск на 74-годишна возраст.
