Хилари и Бил Клинтон ја поканија екипата на „Architectural Digest“ во нивниот дом во Вашингтон.
71-годишната политичарка ги покажа просториите во кои живее со поранешниот Претседател на САД.
„Кога бев избрана во Сенатот во 2000 година, знаев дека ми е потребно место за живеење додека заседававме во текот на годината. Па, започнав да барам. Имав специјално искуство во оваа куќа, кое беше емотивно. Се качив на третиот кат и погледнав надвор низ дрвјата (кон задниот дел на британската амбасада) и се почувствував како да сум во стариот Лондон или Њујорк. Градините беа најпрекрасното нешто што го имав видено на мојата турнеја низ недвижностите“ - раскажа таа за изборот на имот.
Во декорирањето на домот, Хилари добила помош од дизајнерката Розмари Хоуи и од нејзината мајка Дороти, која почина пред осум години. „Задоволство беше да се работи со мајка ми и Розмари. И јас и мајка ми обожаваме бои и како што можете да видите, имаме многу бои низ куќата кои произлегоа од таа соработка“ - вели Хилари.