Отпатувајте од монотоното секојдневие во луксузот наменет само за најбогатите и ѕирнете во мегајахтата „La Belle“ или „Убавицата“, дизајнирана специјално за дами.
Женствената јахта долга 80 метри е дизајнирана од Лидија Берсани, која тврди дека тоа е и првата јахта дизајнирана за жени. Внатрешноста е во бела и златна боја, како и боја на слонова коска. Златните мозаици, седефот и лустерите со сваровски кристали му даваат на ентериерот уникатен изглед.
„Нема да има никакви машки играчки како маси за билјард и буриња со пиво. Но, ќе има фантастична спа со салон за убавина, големи огледала и огромни плакари. Сè ќе биде со крзно, свила, злато, бисери, кристали, музика, ароми и цвеќиња“ – вели Лидија.
Ако се прашувате за цената, „La Belle“ се проценува на 210 милиони долари.