„Замислете ако светот можеше да го види тоа што мајката го гледа“ – е мотото на новата реклама на Procter & Gamble направена за Зимската олимпијада.
Рекламното видео е насловено „Ти благодарам, мамо“ и е посветено на безрезервната љубов и поддршката која мајките цел живот им ја пружат на своите деца, со што ги водат низ трнливиот пат до успехот.
Во него, прикажани се млади спортисти кои се соочуваат со препреки поради религија, пол, боја на кожа и физички недостатоци, но успеваат да ги прескокнат бариерите и да напредуваат благодарение на љубовта на мајките и нивните охрабрувачки зборови.
Кампањата е инспирирана од вистински приказни на успешни спортисти. Зимските олимписки игри ќе започнат на 9 февруари 2018 година.
Потсетете се и на претходните кампањи на P&G кои го слават мајчинството.