Талентиран татко ѝ даде неверојатен подарок на својата мала ќерка за Св. Валентин. Инспириран од љубовта на ќерка си кон анимираниот филм „Убавицата и ѕверот“, фотографот Џош Роси создал магични фотографии на кои малата Нели е претставена како ликот Бела.
„Сакав да има нешто што ќе ја претставува врската која ја имаме ние двајцата. Нормалната фотографија не е доволна за мене. Константно снимам видеа и фотографирам, обидувајќи се да го овековечам секој момент што го поминувам со неа“ – изјавил посветениот татко.
Додека бил на патување низ Европа, Џош фотографирал вистински замоци, а потоа со дигитална обработка успеал да ги спои тие фотографии со фотографиите од фотосесија за која малата Нели носела фустани како од популарната бајка.
Идејата на Џош е да има што повеќе спомени, но и да поттикне други татковци да поминуваат повеќе време со своите ќерки. „Искрено се надевам дека татковците ќе бидат инспирирани да поминуваат повеќе време со ќерките и да пронајдат нешто што можат да го прават заедно за да се поврзат“ – рекол тој.
