Потребна ви е фитнес инспирација пред почетокот на летото? Прошетајте низ фотографиите на Танил Данкан и ќе ја добиете потребната мотивација за да започнете да тренирате.
35-годишната креаторка на програмите Bikini Babe Bible е мајка на шест деца од кои две се деца на нејзиниот сопруг од претходен брак. Таа работи како личен фитнес инструктор и онлајн фитнес тренер, се грижи за сите домашни обврски и за децата, а и покрај тоа наоѓа време да тренира шест пати во неделата.
Данкан секој ден се буди рано наутро за да вежба и за да им приготви појадок на
„Го подесувам мојот аларм во 4.30 часот наутро и станувам секогаш... Тренирам пред да се разбудат моите деца“ – вели организираната мајка.
Данкан цели да ги инспирира другите мајки да бидат физички активни, а на оние кои немаат време за да одат во фитнес сала, им порачува да вежбаат дома.
„Клучот кон постигнување на која било цел е во тоа да ја направиш составен ден од твојот ден и да ја знаеш причината зошто го правиш тоа. Јас имам сопствена причина зошто тренирам толку многу. Се натпреварувам на бикини натпревари не само за да инспирирам други мајки, но исто така за да им покажам на моите ќерки дека е возможно да бидеш мајка и да ги следиш твоите соништа и да изгледаш добро и фит“ – вели таа.