Блогерка ги пресоздава модните комбинации на славните личности со plus-size облека.
Кејти Стурино, која стои зад брендот за убавина Megababe, создава стајлинзи со модни парчиња со големина 12 по американски стандрад (кај нас конфекциски број 42). 36-годишната Американка сака да покаже дека формата на телото не го ограничува стилот и дека секој може да носи сè.
Стурино ги објавува своите верзии под хаштагот #SupersizeTheLook и постојано си ја зголемува популарноста. Досега, на Instagram неа ја следат повеќе од половина милион обожаватели.
„Го започнав серијалот за да им покажам на жените од сите големини дека можат да го постигнат стилот на супер модерните жени од кои се инспирираат. Славните личности најчесто плаќаат луѓе за да склопат модни комбинации за нив. Ако некој стилист го склопил стајлингот, работата е веќе завршена за тебе“.
„Носете што и да посакате и ставете ја вашата самодоверба на прво место“ – порачува Кејти.
