Plus-size блогерка со голема самодоверба ги пресоздава модните комбинации на славните за да покаже дека „секој може да носи сè“.
Кејти Стурино создава свои верзии на стилските избори на личности како Меган Маркл, Кендал Џенер, Бијонсе, Жизел Бундхен, Амал Клуни и Криси Тиген. Слободно може да се каже дека и покрај тоа што носи облека поголема за неколку конфекциски броеви, таа изгледа одлично.
Стурино тврди дека тајната е во самодовербата.
Во минатото, 34-годишната Американка не се чувствувала добро во својата кожа, но откако го променила сопствениот начин на размислување, таа стекнала нова љубов кон самата себе.
„Сега се чувствувам удобно во мојата кожа, но пред да го постигнам ова, требаше да променам некои мозоци, пред сè мојот. Работев во модната индустрија и бев најголемата девојка во неа цела деценија, а тоа придонесуваше постојано да се чувствувам како да не припаѓам таму. Не можев да ги носам алиштата што ги носеа моите колешки и секогаш морав да барам заобиколен начин за да бидам во тренд. Верував дека проблемот што постојано се чувствував неудобно беше во моите бутови, а всушност беше во мојата енергија. Бутовите сега веројатно ми се и поголеми од порано, но сега сум најсамоуверената личност, бидејќи сама избирам да бидам таква.“
„Откако успеав да ја претворам самоомразата во љубов кон себе, сè започна да си доаѓа на свое место, вклучително и мојата кариера како plus-size блогерка“ – рекла таа.
