Совршена порака за совршен предлог за брак. Девојка, која се бори со анорексија, се омажи за својот сакан откако тој ја побара за жена со листа со причини зошто таа треба да оздрави.
Ема Стокс страдала од нарушување во исхраната и ослабела до 41 килограм. 26-годишната девојка вежбала по 6 часа дневно, а консумирала само мали порции салата, зеленчуци и житарки со млеко, односно помалку од 600 калории дневно.
Сите блиски на Ема биле премногу загрижени за нејзиното здравје додека таа се „топела“ пред нивните очи. Меѓу нив бил и Крис Веир, кој бил решен да ѝ помогне на саканата Ема. Додека слабата девојка била на добар пат да закрепне, тој ѝ дал совршена мотивација. Крис составил листа со причини зошто таа треба да оздрави и со неа ја побарал за жена.
„Навистина верувам дека листата на Крис помогна да се спасам“ – изјавила Ема.
Листата на Крис
- Сакам Ема да има шанса да има деца. Таа е фантастична учителка! Таа ќе биде неверојатна мајка!
- Сакам да ја видам Ема како завршува уште една трка.
- Сакам да се искачам на трите највисоки планини со неа.
- Сакам таа да биде подобра за да продолжи да им помага на други лица при нивното закрепнување.
- Сакам да биде подобра за да ги максимизира нејзините способности како учителка по танцување и да продолжи да биде инспирација за многумина.
- Го сакам назад нејзиниот задник!!
- Сакам да ја согледа нејзината вистинска убавина – внатрешна и надворешна.
- Сакам да биде среќна – да го живее животот, а не само да егзистира.
- Сакам да изгледа и да се чувствува одлично на нејзиниот свадбен ден.
- Ема Викторија Стокс. Дали ќе се омажиш за мене?
Парот стапи во брак изминатиов понеделник, една и пол година по свршувачката. Ема сега тежи околу 48 килограми и постојано ја зголемува својата тежина.
„Ми треба уште малку за да ја достигнам мојата идеална тежина, но се чувствувам неверојатно. Многу сум среќна. Искрено посакувам да можам моите сегашни чувства да ги затворам во шишиња и да им ги раздадам на луѓето. Никогаш не сум била посреќна“ – изјавила Ема, која со својот сопруг отпатува на меден месец веднаш по свадбата.