Новогодишната еуфорија ја пробуди романтичната страна кај Менде Давитковски. Битолчанецот ја запроси својата девојка Елена на 1-ви јануари на врвот Пелистер на Баба Планина.
Како големи љубители на планинарење, Менде одлучил дека токму тоа е идеален момент за да ја побара својата девојка за жена.
Моментот на запросувањето бил откако го „освоиле“ врвот, кој е на 2.601m надморска височина и позирале за фотографија. Во видеото, Менде клекнува на колено и ѝ го поставува судбоносното прашање, а Елена без размислување вели „Да“.
