Вес Андерсон го режираше краткиот божиќен филм на H&M, во кој главната улога ја доби Адриан Броди.
Во видеото „Come Together“, Броди е принуден да ги извести патниците на воз дека поради неочекувани проблеми, нема да пристигнат навреме на зацртаната дестинација. Како последица на забавеното патување, плановите на патниците за Божиќ пропаѓаат.
Сепак, Броди нема да дозволи празничниот ден да помине без соодветна прослава. Погледнете го неговото изненадување за осамените патници, а особено за најмладиот од нив.
Рекламата на прекрасен начин ни покажува што е најважно за време на празничната сезона – сплотувањето и зближувањето.