Грижлив маж ја изненади сопругата со подарок каков што би посакала секоја жена – соба каде што таа ќе може да се дотерува и разубавува спокојно.
Тод го создал прекрасното женско катче откако сопругата Кари му се пожалила дека синот ја има окупирано бањата и дека ѝ е потребно место за шминкање, нешто што таа обожавала да го прави. Во празен шпајз од нивниот дом, Тод поставил тоалетна маса, огледало, фиоки и столче, а просторијата ја декорирал со детали во омилените бои на Кари.
Шпајзот пред преобразбата
Се разбира, таа била одушевена.
„Му спомнав дека секогаш брзаме кога се подготвуваме за некаде. Многу сме зафатени и му реков дека би било добро да имам свое место каде ќе се подготвувам. На тој начин моите нешта не би му пречеле. Мојот сопруг секогаш ме става на прво место. Како медицинска сестра најчесто го немам луксузот да се ставам себеси на прво место. Слатко е што мојот сопруг го прави тоа“ – рекла таа.
„Многу се изненадив кога го видов. Не би можела да побарам нешто поубаво и посовршено за мене. Кога го гледам моето катче си мислам на времето кое тој го потроши за да го создаде и колку љубов има внесено во него. Ми рече дека не потрошил многу пари на него и дека најголем дел од работите биле на распродажба. Но кога ќе го погледнам, сè што ми минува низ глава е колку е скапоцено тоа за мене. Парите не можат да ги купат нештата кои ги имам“ – додала Кари.
Кари и Тод
Фотографиите од малата симпатична соба ги сподели сестрата на Кари, Моли, на Twitter. Во описот таа напиша: „Сопругот на сестра ми пренамени шпајз во соба со тоалетна маса за неа. Ми треба маж како него“. Објавата на Моли стана хит на социјалната мрежа со повеќе од 67 илјади ретвитови и 134 илјади допаѓања.
My sisters husband turned a closet into a vanity for her.
— molly (@guaacamoll) December 5, 2016
I NEED ME A MAN LIKE THAT pic.twitter.com/Mfb8am6j8z
Некои интернет корисници упатија комплименти до Тод, други посакаа истото да им се случи и нив, а трети добија идеја како да ги искористат слободните шпајзови.
