Синоќа беше прогласен последниот победник во историјата на популарното музичко шоу American Idol. Трент Хармон ја понесе победничката титула, која се доделуваше по 15-ти пат.
25-годишниот пејач се појави во шоуто како фармер и келнер во семејниот ресторан, но веднаш ги освои симпатиите на Џенифер Лопез, Кит Урбан и Хари Коник Џуниор. За време на аудициите, скромното момче од Мисисипи откри дека се пријави во шоуто без да го извести семејството, затоа што го гледал пеењето како нова работа.
Видео од аудицијата на Трент
И навистина работел понапорно од секој останат натпреварувач, запишувајќи го секој збор кој судиите ќе му го даделе како забелешка. Менторот на Хармон изјавил: „Без сомнение тој е најголемиот работник зад сцената“.
Голем предизвик за Трент во текот на шоуто бил да научи да ги контролира изразите на лицето додека пее.
Видео од прогласувањето на победникот
Конкуренција на Хармон во финалето на American Idol беше Ла`Порша Рене, самохрана мајка на едно дете и жртва на семејно насилство, која живеела во засолниште за да избега од насилниот сопруг.
Видео од песната на Рене, „Battles“
Видео од заедничкиот настап на финалистите
На финалната вечер, настапија голем број ѕвезди и победници од претходните сезони на шоуто, а Џенифер Лопез првпат ја отпеа својата нова песна.