САД ја добија својата нова Мис Америка, а тоа е Кејси Донеган од Њујорк.
Во финалето на престижниот национален избор, кое се одржа во Walt Disney Theater во Орландо, 27-годишната девојка ја освои посакуваната титула за која сонуваа уште 50 други натпреварувачки.
Покрај круната, талентираната пејачка доби и стипендија во вредност од 50.000 долари, која ќе ја искористи за академски цели.
Натпреварот се одржа во текот на два дена, а Донеган успеа да се истакне меѓу 52-те натпреварувачки кои ја претставуваа секоја американска сојузна држава. Прва придружничка беше Мис Тексас, Сејди Ширмајер, додека втора придружничка беше Мис Флорида, Парис Ричардсон.
Во финалната рунда од изборот, натпреварувачките одговараа на прашања на сцената, каде Донеган се истакна со својот одговор на темата „автентично себеизразување“.
„Верувам дека најважната работа која можеш да ја направиш е да бидеш 100% она што си. Ако тоа вклучува изразување преку пирсинг или тетоважи, тогаш, апсолутно, направи го тоа“ – рече таа. „Никој нема право да ти кажува што смееш да правиш со твоето тело. Ова е твојот сад и треба гордо да чекориш во него“ – додаде таа.
@missamerica Cassie Donegan, your newly crowned Miss America 2026, performing her jaw-dropping rendition of “A Darker Shade of Blue” #MissAmerica #ThereSheIs #fyp #foryou #foryoupage ♬ original sound - Miss America
Кејси Донеган веќе се смета за инспирација за многу млади луѓе ширум државата и со својата платформа ќе има можност да влијае на важни општествени теми во текот на нејзиното едногодишно претставување како Мис Америка.
