Драстичната трансформација на Роси Меркадо минатата година привлече огромно внимание. 36-годишниот plus-size модел ослабе 113 килограми и доби река комплименти за упорноста и решителноста да го подобри својот изглед и здравјето. Но, дел од фановите на Роси не биле одушевени од нејзиното слабеење.
Меркадо добивала мејлови и пораки полни со критики и лоши зборови. „Ми рекоа да скокнам од мост и да се убијам бидејќи ослабев“ – изјави Роси за TMZ, нарекувајќи ги критичарите „активисти за дебелина“.
Исто така, Меркадо истакна дека злонамерните критичари го мразеле фактот што таа јавно го покажувала своето успешно слабеење.
Клучниот момент кога мајката на три деца решила да го промени начинот на живот и да внесе здрава исхрана во своето секојдневие, бил кога од авионска компанија ѝ рекле дека за да патува мора да купи карти за две седишта.
„Не беше најлесното патување, имав подеми и падови. Но, кога ќе го споредам квалитетот на мојот живот сега со животот во минатото, знам дека вредеше“ – вели Меркадо, која сега тежи 77 килограми.
Од своето искуство, Роси научила неколку лекции меѓу кои: упорноста секогаш се исплатува, никогаш да не ѝ суди на книгата по корицата и како треба да се однесува со луѓето.