Таша Мајли предизвика бурни реакции на социјалните мрежи со фотографиите и видеата на кои ги дои двете деца во тандем.
Мајката од Сан Диего е остро напаѓана основно поради две причини – заради тоа што сè уште го дои 4-годишниот син и поради тоа што споделува толку интимни моменти онлајн. Моментално таа е бремена со третото дете.
Иако Таша тврди дека ги споделува фотографиите и видеата за да ги акцентира бенефициите од доењето, многумина коментираат дека го прави тоа самo и само за да привлече внимание разголувајќи се пред камера.
Едно од постарите видеа на Таша има над 60 милиони прегледувања.
Повеќе лица ѝ укажуваат на Таша дека нејзините деца се доволно големи за да јадат цврста храна и дека веќе не им е потребно мајчиното млеко. Сепак, таа возвраќа дека продолжува со доењето за да ја одржи блискоста со малите момчиња и дека ги сожалува сите кои ја критикуваат.