Принцот Хари знае како да ги шармира децата.
На овогодишното доделување на наградите „WellChild“ во Лондон, 32-годишниот член на британското кралско семејство оддели време за да позборува со најмалите учесници на настанот кој ги слави инспиративните квалитети на сериозно болните деца од Велика Британија и на лицата кои се грижат за нив. Едно од терминално болните дечиња дури и му подари прегратка на шармантниот принц.
Малиот Оли Карол страда од ретко генетско заболување за кое сè уште не е пронајден лек. Оли веќе ја има загубено способноста за одење и за контролирање на екстремитетите, и за жал, малку по малку тој ќе започне да ја губи способноста да гледа, да јаде и на крајот да дише.
Мајката на детенцето подоцна објаснила дека било вистинска реткост Оли да прегрне некого и дека прегратката била поради добриот однос на Хари кон нејзиниот син.
„Оли не е свесен кој е Хари, но реагираше инстинктивно на начинот на кој тој зборуваше и комуницираше со него. Тој е брилијантен со деца и многу природен. Тој беше привилегиран, бидејќи Оли не може да ги користи нозете, но ја искористи својата сила за да стои и да го прегрне. Бев многу горда на Оли и на Хари. Ме трогна тоа што тој оддели време за да поразговара со Оли. Дури знаеше и за сестрата на Оли, Амелија, која исто така ја има болеста. Беше неверојатно“ – рекла мајката Луси.
Видео
Добротворната организација „WellChild“, чиј покровител е принцот Хари, им помага на сериозно болните дечиња и на нивните семејства, како и на децата кои се принудени да живеат на болница поради немање на друга опција.