Фотографиите од мали ангелчиња, кои се зачнати и родени откако нивните мајки претходно имале спонтан абортус, родиле мртво бебе или изгубиле новороденче, ќе ве разнежнат.
Виножитото секогаш се појавува по бура и дава надеж дека сè ќе биде подобро, па оттаму потекнува и специјалниот термин „виножито-бебиња“. Бурата (загубата на бебе) веќе се случила и ништо не може да го промени тоа. Темните облаци може сè уште да стојат над семејствата додека тие се борат со загубата, но често од темнината се појавува нешто колоритно и прекрасно.
Мајките кои ја доживеале најголемата загуба, загубата на дете, често се чувствуваат осамено без да се свесни дека се дел од огромна заедница жени кои поминале низ истото. За да им дадат надеж на мајките кои изгубиле бебе, многу родители одлучуваат да објават фотографии од своите виножито-бебиња.
