Колоритни фотографии станаа интернет хит и отворија емотивна тема наречена „виножито-бебиња“.
„Виножито-бебе“ е бебе родено од мајка која претходно имала спонтан абортус, родила мртво бебе или ѝ починало новороденче. (По бура се раѓа прекрасно и светло виножито, кое дава надеж дека сè ќе биде подобро, а токму оттаму потекнува идејата за концептот „виножито-бебиња“.)
Фотографиите допреа до илјадници срца, бидејќи ја симболизираат надежта на трудниците и мајките кои ја имаат преживеано најтешката загуба.
Блогерката Чесити Боатман ги популаризираше двете фотографии, кои се дело на Наталија Карпова. Фотографиите се дел од натпревар на рускиот сајт „Пузи Радуга“, на кој редовно се споделуваат слични слики од мајки облечени во боите на виножитото. Целта на „Пузи Радуга“ е да се подигне статусот на бремените жени во општеството.
