Шпанија со громогласен аплауз му се заблагодарува на медицинскиот персонал кој деноноќно е во првите борбени линии за справување со коронавирусот.
Илјадници лица истовремено излегоа на балконите и аплаудираа за да ги бодрат докторите и медицинските сестри.
Гестот за поддршка беше организиран преку социјалните мрежи. Граѓаните синоќа беа повикани да излезат точно во 22 часот.
Шпанија е силно засегната од коронавирусот. Над 7.700 се заразени, а 288 ја изгубиле битката со КОВИД-19.
И во Италија беше организирана иста акција за искажување благодарност, солидарност и поддршка.
