Витомир Маричиќ по кој знае кој пат го одушеви светот.
40-годишниот Хрват го задржа својот здив под вода неверојатни 29 минути и 3 секунди, запишувајќи се во Гинисовата книга на рекорди. Инспиративниот нуркач го надмина претходниот рекорд за 4 и пол минути.
На 14 јуни оваа година, Витомир речиси половина час го држеше здивот во базен во Опатија, Хрватска, пред 5 официјални судии и 100-тина поддржувачи. Пред да нурне, тој 10-тина минути вдишувал чист кислород.
„По 20-тата минута, сè страна полесно, барем ментално. Стануваше полошо и полошо физички, особено за мојата дијафрагма, поради контракциите. Но, ментално знаев дека нема да се откажам“ – рекол тој.
И претходниот рекорд го држеше Хрват. Будимир Шобат го постави во 2021 година, на 56-годишна возраст.
Витомир има поставено повеќе рекорди во својата кариера.
