Понекогаш борбата за живот започнува прерано...
Лилијан Мичел се роди предвреме, но успеа да се избори за живот и неодамна го прослави својот прв роденден. Малото девојче дошло на овој свет шест недели порано и поради тоа првиот месец од својот живот го поминало во болница на одделение за интензивна нега.
Не знаејќи дали ќе преживее и каква ќе биде нејзината иднина, таткото на Лилијан направи видео кое ја следи првата година од нејзиниот живот.
„Нашата ќерка за роди предвреме, пристигнувајќи на овој свет месец и половина порано. Во тоа време, не знаевме што нè чека во иднина. Живеевме ден за ден, овековечувајќи ги и ценејќи ги тие моменти. Денес е првиот роденден на мојата ќерка. Го снимив нејзиното патување низ животот, секој ден во изминатите 365 дена, за да ги споделам со вас насмевките, солзите и авантурите“ – пишува во описот на видеото на YouTube.
„Мислев дека ќе биде убаво да имаме многу квалитетни фотографии од нејзиното детство. Немав претстава дека ќе ги користиме за ова“ – вели Бред. Тој секојдневно снимал по неколку кратки видеа, а потоа го издвојувал моментот кој сметал дека точно го опишува тој ден.
Видеозаписот насловен „365 дена во 365 секунди“ започнува во породилната сала во болница во Торонто, а завршува со прославата на првиот роденден на Лилијан.