Кина вети дека за екстремно краток период ќе изгради специјална болница за коронавирусот во Вухан и го исполни своето ветување. Медицинската установа со 1.000 кревети веќе ги прими првите пациенти заразени со новиот смртоносен вирус.
Time-lapse видеа од градењето на болницата
Болницата Хуошеншан се протега на површина од 25.000 метри квадратни и е една од двете специјализирани болници во епицентарот на вирусот кој одзеде речиси 500 животи и зарази над 24.000 лица. Во изградбата учествувале повеќе од 7.000 работници, кои работеле деноноќно за да ја завршат болницата во предвидениот рок.
Според информациите во кинеските медиуми, во болницата се доведени 1.400 воени лекари од Народноослободителната армија. Голем ден од нив биле вклучени во борбата против друг тип коронавирус– САРС, кој во 2002-2003 година уби речиси 800 лица.
Првата болница за коронавирус во Кина беше отворена пред повеќе од една недела во стар објект кој беше пренаменет за целта.
„Вухан е како град на духови навечер. Има само амбуланти кои личат на духови и превезуваат пациенти. Глетката го крши срцето. Се надевам дека мојот роден град ќе се опорави набрзо“ – напиша жител на Вухан на социјалните мрежи.
Повеќе објекти низ Кина итно беа пренаменети во болници во екот на здравствената криза.
Изложбен центар станува болница за само 24 часа
Fighting #coronavirus: Exhibition center becomes a hospital in 24 hours pic.twitter.com/Db3hCoPWnI
— CGTN (@CGTNOfficial) February 5, 2020
China's Wuhan converts 11 venues into temporary hospitals to treat "all who need to be treated." #coronavirus pic.twitter.com/QQnyFmUDD4
— China Xinhua News (@XHNews) February 5, 2020
