Антониа Гиговска блескаше со позитивност и моќна енергија на концертот со хуманитарен карактер кој синоќа се одржа во Штип.
24-годишната пејачка, позната по својот впечатлив вокал и современ сценски настап, во Градот под Исарот блескаше во бел костум кој зрачи со модерност и софистицираност. Елегантната комбинација ја надополни со ниска пунџа што ѝ го истакна лицето и ја заокружи нејзината минималистичка, но впечатлива појава.
Гиговска е исклучително блиска со рефрените на Тоше по учеството во мјузиклот „Тајно моја“, а со негови хитови настапи и на „Пинкови ѕвездички“ кога „земаше замав“ нејзината кариера.
Концертот, посветен на големиот хуманитарец и артист Тоше Проески, уште еднаш покажа дека неговото дело живее во младите генерации.
Фото: Тоши Трајчев
