Почетна » Диети и фитнес » Фитнес » 6 вежби за рамен и затегнат стомак

6 вежби за рамен и затегнат стомак

Зацврстувањето и обликувањето на средишниот дел од телото е голем фитнес предизвик. Обичните вежби за стомачни ни оддалеку не се доволни за да можете да се гордеете со рамен и затегнат стомак.

Со идејата да им помогне на жените да си ја усовршат фигурата, личниот тренер Челси Дорнан предлага движења кои според неа, се поефективни од здодевните вежби за стомачни мускули.

Секоја од вежбите повторувајте ја по 45 секунди до 1 минута. Правете ги вежбите по дадениот редослед. Доколку сте физички подготвени, можете да ја повторите целата серија вежби 2-3 пати.

Вежби за стомак

Легнете на подот и подигнете го телото на лактите и прстите на нозете. Спојте ги дланките. Вдишувајте додека го подигнувате задникот кон таванот, а издишувајте додека се враќате во првата положба.

Вежби за стомак

Легнете на подот и подигнете го телото на лактите и прстите на нозете. Стегнете ги стомачните мускули и носете ги колковите налево-надесно.

Вежби за стомак

Застанете исправени и спојте ги дланките на ниво на градите, така што лактите да ви бидат блиску до телото. Исчекорете наназад прво со десната нога, при што внимавајте левото колено да биде во линија со левиот глужд. Исправете ги рацете и свртете го горниот дел од телото налево, а потоа вратете го назад кон центарот. Вратете ја десната нога до левата. Повторете го истото на другата страна.

Вежби за стомак

Легнете на грб. Подигнете ги малку рамената и главата од подот. Држејќи ги рацете исправени покрај телото, подигајте ги нозете нагоре додека не оформат прав агол со подот. Потоа бавно спуштете ги надолу.

Вежби за стомак

Легнете на подот. Подигнете го телото, држејќи се на прстите од нозете и на дланките. Држете ги рацете исправени. Десното колено свиткајте го и носете го кон левата рака, а потоа левото колено кон десната рака.

Вежби за стомак

Легнете на подот на едната страна. Подигнете го телото така што да се држите на едниот лакт и на страничниот дел од стапалото. Испружете ја раката нагоре кон таванот. Спуштете ги колковите кон подот, без да го допрете. Вратете ги колковите во првата положба, а потоа со испружената рака посегнете под стомакот.

Анкета

Анкета
Дали си имате направено естетска корекција на лицето?
  • 10%
  • 26%
  • 64%
Се испраќа...

(Вкупно: 9464 гласа)

Цитат

Животот е како монета. Можете да ја потрошите како сакате, но можете да ја потрошите САМО ЕДНАШ.

Лилиен Диксон

Виц

Брачните расправии се како да читаш „Правила и услови за користење“ на интернет.

На крајот посекако завршуваш со: „Се согласувам“.