Џуд Ло и Филипа Коан имаат убава вест.
Парот, кој стапи во брак во мај минатата година, го очекува своето прво дете. Џуд има уште пет деца со три претходни партнерки.
47-годишниот актер и неговата 32-годишна избраничка беа фотографирани од папараците на пазарување во Лондон. Трудничкото стомаче на Филипа ја откри нивната слатка тајна.
Пред неколку месеци, Ло отворено призна дека сака да има уште деца и дека лудо ја сака својата нова сопруга. „Ми се допаѓа тоа, па апсолутно, зошто да не? Среќен сум што сум со некоја во која сум лудо заљубен. Идејата да имам повеќе деца би била прекрасна“ – одговорил тој на прашање дали планира да има уште деца.
Џуд и Филипа првпат беа видени заедно во 2015 година.