Џорџ Клуни долги години се сметаше за „вечен ерген“, сè додека не пристигна Амал во неговиот живот. Славниот пар стапи во брак во 2014 година и пред неколку дена ја прослави 8-мата годишнина од влегувањето во брачните води.
Токму на овој специјален ден, 61-годишниот актер и 44-годишната адвокатка гостуваа во шоуто „CBS Mornings“ и зборуваа за моментот на запознавањето, за одржувањето на љубовта и за нивните две деца – близнаците Александар и Ела.
За првата средба, тие изјавија:
„Беше лесно. Во минутата кога влезе низ вратата, јас бев освоен од неа. Забавниот дел беше што не знаев дали ќе ѝ се допаднам, бидејќи таа е извонредна, забавна, паметна, убава и прекрасна жена“ – изјави Џорџ и додаде дека веднаш по запознавањето, започнал да ѝ пишува писма.
„Кога го запознав си помислив, мило ми е што постои некој како него во светот. Не си замислував дека ќе го поминам животот со него и дека ќе го имаме ова прекрасно семејство. Бев изненадена“ – рече Амал.
Тие признаа дека направиле грешка што ги научиле нивните деца италијански јазик, кој и самите не го владеат. „Ние не зборуваме италијански. Па ги наоружавме со јазик со кој можат да нè повредат и ние нема ни да знаеме“ – изјави Клуни.
Водителката Гејл Кинг ги запраша што прават за да останат заедно и да ја одржуваат врската.
„Ова никогаш не беше прашање на кое би размислувале. Со нас отсекогаш беше лесно. Ова е најлесното нешто во нашите животи“ – изјави Џорџ, на што Амал додаде дека пријателите се зачудени што никогаш немаат расправии.
„Сметам дека 99% е до среќа, да ја запознаеш вистинската личност. Да, и тајмингот е важен. Сметам дека едно нешто кое треба да издвоиме дека помага во врската е да не бидете цинични, туку отворени. Јас бев изненадена што Џорџ не беше циничен и вообразен. Потоа, нештата започнаа брзо да се движат“ – додаде Амал.
Популарната двојка беше фотографирана додека се упатуваше на вечера во Њујорк, каде ја прослави годишнината.
