Во изминатата недела, британските медиуми наголемо шпекулираа за разделбата на Шерил и Лиам Пејн, но парот на свој начин покажа дека не се соочува со сериозни љубовни проблеми. 34-годишната пејачка и 24-годишниот пејач заедно зачекорија на црвениот тепих на Британските музички награди, побивајќи ги вестите за раскинување.
Шерил избра црн фустан со волуменозен ракав и обувки со впечатлив детаљ со роза. Како и сите други дами, таа во рацете носеше бела роза, во знак на поддршка на движењето #MeToo.
Атрактивната пејачка и ѕвездата од One Direction се запознаа за време на снимањето на „The X-Factor“ во 2010 година, кога Лиам се натпреваруваше во шоуто за таленти. Тие за првпат се појавија во јавност како пар во мај 2016 година, а пред 11 месеци станаа родители на синчето Беар.